حددت ولادتي قيصريه كم مدة بقائي بالمستشفى وهل ولدي ينحط بالحضانة
حددت ولادتي قيصريه كم مدة بقائي بالمستشفى وهل ولدي ينحط بالحضانة نظراً لضيق الحوض حددت ولادتي قيصريه بعد اسبوع ماعجبني الخبر ولفيت على خمس دكتورات خلال اوقات متفاوتة من حملي وكلهم جابوا نفس الكلام رضيت اخيراً والأمر لله والآن كل طلبي منكم بعد الدعاء انكم تـــقولوا لي اي شي ممكن استفيد منه سواء تجهيزات قبل الروحة للمستشفى او عن مدة بقائي بالمستشفى وهل ولدي بينحط معايا بنفس الغرفة والا بيعطوه لاهلي يروحوه البيت والا بينحط بالحضانة رغم انه مكتمل وسليم ومايحتاج ولله الحمد وهل بيجيبوه لي ارضعه بأول يوم او لا مع العلم انه بيكون بنج كامل يعني حتتأخر افاقتي
وياليت تفيدوني من ناحية الجلوس والمشي والترويش والأكل كمان والتعامل مع الغرز وأي شي ثاني تعرفوه
ج/١ انا ولادتي السابقه ببنتي كانت قيصري وبفيدك بالشي اللي اعرفه التجهيزات قبل الروحه للمستشفى تجهيزاتك العاديه ومدة الجلوس بالمستشفى اذا كانت كلها مثل بعض يومين بعد العمليه والبيبي اذا هو سليم بيحطوه بالحضانه العاديه وبوقت اللي تطلبيه يجيبوه لك ترضعيه والمشي هما اكيد راح يقولوا لك لازم تمشي خصوصاً بالبدايه عشان يخافوا عليك من التجلطات اما الترويش فهو عادي بس تحاولي ان المويه ما تلمس مكان الغرز انا كنت الف نايلون عليها واتروش بس بحذر شديد ودا بالاسبوع الاول بس بعدين عادي تتروشي وهذا الشي اللي عندي وياريت تستفيدي بشي منه.
ج/٢ لايجي مكان العمليه ماي على الاقل 4 ايام عشان تبدأ تلتأم وكل يوم مسحيها بمسحه طبيه وخليه ينشف ثم غطي بطنك عن البرد لانها بتتعبك لاسمح الله
كل يوم امشي 5 دقايق عشان تتعودين وماينشد مكان العمليه وبعدين يألمك..ملابسك الداخليه لا تاخذين العاديه لا اشتري صروال بورجل(الكلي يكون طويل للفخذ)عشان لايضغط على بطنك ويكون المطاط فوق العمليه ومايؤذيك البسي جلابيات وسيعه عشان تكون اريح لك وشرابات لاتلبسين بجامات الا اللي مقاسها كبير عشان لاتتأذين
مستشفى الحكومه بيخلونك 4 ايام واذا طلبتي المولود بيعطونك اياه ومابياخذونه ثانيه ومايرخصونه الا معاك
بالنسبه للأكل كثري من الطبخات اللي فيها حلبه وثوم والله تعطيك قوه وتخفف ألم العمليه
لاتشربين شراب كحه لان بيزيدك كحه وبتتألمين بشكل فضيع نصيحه لاتشربينه استبدليه بالمره المنقوعه فماي مفعولها قوي للكحه والغازات.