Now Reading
وش الأعراض اللي حسيتي فيها قبل الولادة بأيام قليله

وش الأعراض اللي حسيتي فيها قبل الولادة بأيام قليله

وش الأعراض اللي حسيتي فيها قبل الولادة بأيام قليله و قلتي خلاص هذي اكيد ولاده يعني اكيد فيه طلوق ومويات تتكبكب وشغلات كايده …دم ومدري ويش الله المستعان بس ..!!بس اكيد فيه احاسيس ثانيه وشغلات اكثر بعد كل وحده تختلف فيها عن الثانيه ..!!
في هذا الموضوع بس حبيت من ذوات الخبره وش الأعراض اللي حسيتي فيها قبل الولادة بأيام قليله او اسبوع حتى وش كانت تحس فيه يعني قبل لا يحمى الطلق زين كيف عرفت إنها قربت من الولاده خلاص ؟

 

ج/١ انا كنت قبلها بيومين رايحه لمراجعة عند دكتورتي سوت لي سونار وقالت ان الطفل متوجه وولادتك قريبه بإذن الله …وبرضو وقتها كنت احس بضغط شديد على اسفل بطني ومثانتي وقبلها بيوم حسيت بشعور غريب ان ولادتي قريبه .

 

ج/٢ تختلف الأعراض من وحده للثانيه بس عن نفسي أنا كنت عند أهلي جالسه أمسح مع أمي الجدران استعداداً لولادتي وماكان فيني أي ألم لما خلصت تمسيح وجلست حسيت بآلام زي ألام الدوره بس أخف
ما توقعت انها ولاده أبداً بس بما إني بكريه دقيت على زوجي قلت له ترا فيني ألام خفيفه تروح وتجي ماقلت لأمي عشان لا تخاف وحتى أمي مالاحظت علي جا زوجي اخذني ورحنا البيت لما رحت البيت راح الألم نهائياً قلت لزوجي خلاص مو لازم نروح المستشفى بس هو أصر اننا نروح عشان نتطمن قلت له طيب كنت غبيه لا أخذت لا شنطة ولا شي رايحه كذا بس رحت لها كشفت علي قالت خلاص ولاده 7 سم مفتوح قلت لها طيب انا مافيني ألم ولا في مويه تنزل قالت هاذي من رحمة ربنا بيكي وعلى طول على الكشك فقشت المويه ونزل الراس وتمت الولاده .. ولادتي كانت متسهله الحمدلله وبظرف ساعه ونص بس ولدت وهذا كله بفضل الله ثم الرطب عليكم بالرطب .

What's Your Reaction?
Excited
0
Happy
0
In Love
0
Not Sure
0
Silly
0
View Comments (0)

Leave a Reply

Scroll To Top
error: Content is protected !!