صار لي شهر من الولادة والمولود عنده مغص وغازات ولون بشرته تتغير

صار لي شهر من الولادة والمولود عنده مغص وغازات ولون بشرته تتغير لسا ماخلصت الاربعين وولدي الغالي من انولد ابيض ويهبل وكل من شافه يقول ولدك يهبل ابيض فجأه بعد اسبوعين قلب الولد الى اسمر صار لي شهر من الولادة والمولود عنده مغص وغازات ولون بشرته تتغير وبس يقلب وجهه الوان مو مهم لون البشره اهم شي العافيه مافي شي ما سويت له (يانسون-ماء غريب-ادويه وصف لي الدكتور-غيرت حليبه 3 مرات سيميلاك بعدين بيوميل – والحين اعطيه نورلاك) طبعاً الحليب الصناعي مساعد فقط لأن حليبي قليل من قلة الأكل والنفسيه احس حليب نورلاك مشى معاه من حيث الامساك اما الغازات والمغص تعبني صراحه وغير كذا مخوفني بس يشهق واحيان يوقف مايتنفس كأنه ينازع لدرجة اني حطيته عند زوجي وكان يتفرج عليه وبالأخير ناداني قال شيليه عني والله خوفني شكله بيموت وزوجي يموت بالاطفال وحنون عليهم ومايتحمل يشوف فيهم اي مرض وانا نفسيتي مره تعبت عشانه احسه يتعذب حيل
سؤال وش احسن علاج جربتوه للمغص والغازات الشهور الاولى؟ صحيح انقلاب لون بشرته من المغص بالرغم ان يدينه ورجوله بيض بس وجهه يخوف بس يقلب؟ في احد صار لولده مثلي بعيد الشر عنكم ؟ كم يقعد مده المغص للطفل ؟

ج/١ زوجة اخوي كانت تشكي من مغص ولدها وتقول بعد ما غيرت الحليب الحمدلله لكن عن نفسي انصحك تغيرين الدكتور مو الحليب وربي انهم يخوفون في هذه المرحله ما تعرفين ايش يحسون فيه.

ج/٢ الغازات والمغص مش ولابد عند جميع المواليد وتستمر الى 4 اشهر او 3 عادي انا يوم ولدي كنت اعطيه يانسون وماشفت فايدة وعطيته كمون محلى بسكر عشان يرغبه والحمدلله اذا شربته على طول يرتاح وينام طول الاربعين والاشهر الاولى اعطيه كمون ويرتاح ربي لك الحمد اما لون البشرة ماعندي خبرة بس اشوف بنتي كل يوم لها لون مرة حمراء ومرة سمراء ومرة بيضاء
وترا تغيير الحليب هو اللي يسبب ألم ومغص حاد للطفل اذكر يوم ولدي قاعدة اجرب فيه انواع الحليب ومسكين تعذب من الألم المفروض من اول مرة جبتي له حليب لاتغيرينه وافضل حليب سميلاك لاامساك ولا اسهال بس مغص وهذا شي لازم يصاحب الرضيع بس انتي احرصي عطيه كمون واذا ما رغبه بدون سكر اضيفي سكر عادي بس لاتكثرين والامساك بسبب الحليب الصناعي داومي على مريسة تمر مرة وحدة يومياً تلين بطنه ولا يجيه امساك.

ج/٣ اول شي مايشوف شر ان شاءالله
ثانياً لاتنسين تقرين عليه الفاتحه 7 مرات وآية الكرسي والمعوذات وحصنيه هذا شي مهم
ثالثاً : مسألة ان ولدك يشاهق انا كان ولدي يشاهق بكثره وخفت عليه وعرفت السبب بعدين اللي هو اذا جلس ولدك يطلع الحليب الزائد احياناً يكون نايم على ظهره فيرجع الزائد الى بطنه ويجلس يشاهق وضروري تخلي طفلك بعد الرضعه يتجشأ تحطينه على كتفك او يدك بوضع مستقيم من 1 _5 دقائق ويدك تحركينها على ظهره وجنبه الى ان يتجشأ هذي تخف من الغازات ومن الشهاق ان شاءالله لاتنسين بعد كل رضعه عشان يرتاح الطفل واذا كثرت عليه الغازات والمغص اعطيه يانسون او نعناع اخضر وحليه بقليل من السكر نبات .